最近兩星期嘅 weekdays 多數係「獨居」，煮食自然完全只需要啱我口味，好爽！我係非常追捧每天「五色」蔬果飲食嘅人，亦盡量少食高升糖指數嘅澱粉類。
近年自己已經無咗失驚無神掛住港式食物嘅情況，亦無刻意晌居處同埋周邊城市找尋中式食材醬料嘅商舖，當然，路過碰到的話，價錢合理亦會購買 :)
上年尾回港臨走前兩日，貢入灣仔橫街一間蚊型超市作最後「衝刺」，當然有所斬獲。當時一心要買蒜蓉辣椒醬，咁啱柱候醬晌隔籬，於是買咗人生第一罌柱候醬！而開齋菜式係跟阿銀嘅麵醬柱侯豬軟骨..... 我無麵豉醬而阿銀提議我用日本dark miso，不過我亦無 dark miso，所以索性落多些少柱候醬算數；雖然味道層次無咁豐富，我已經心足，好味！
6 comments:
喂，幾時黎意大利？我可以接待你咖。
多謝 :) 不過放唔低我個麻煩女～ 唔係想郁就立即可以動身哩....
絕對明白⋯⋯我唔得甩身（3件！）
我又無乜特別懷念亞洲菜⋯⋯
有材料（通常都系朋友或阿妹寄俾我）先整。
特意買又無。買都系超級市場有又整到差不多的就會。
係咪我地已經係老餅心態呢？(拉埋你落餅會，嘿嘿～)
哎呀，乜你依家先知道我同你都系餅會會員？？哈哈。
我⋯⋯其實我系懶⋯⋯懶得捻，同懶出去買。
但好奇怪地，如果好似搞到成個 project 甘（你睇我聖誕整500幾 cookie 就知道）我又可以好興高采烈甘去“玩”。
呢啲「paul 蓆」我而家都冇乜心機做，小舟不可重載～
Post a Comment