麻煩的煩惱事件簿 (二) 亦係最終回

我親愛嘅煩煩豬尋日 2011年8月25日大約16.30 (CET) 離開咗
乖乖嘅佢用兩個月嘅時間，身體受病魔同藥物嘅煎熬，經常用佢嘅大眼睛莫明凝望我，教導我放鬆放下。
兩年四個月，佢陪我渡過冇燒賣同佢玩嘅日子

小煩，你臨終三日內身體應該好痛，但都冇哼或悲嗚過，今朝我晌夢與醒之間聽到一聲 woo, 我起身去廁所落樓，睇鐘 7.35am; 聽見 woo 時應該係 7.30am! 我呢排每朝鬧鐘都係校7.30am! 係咪話俾我知你已經快快樂樂自由行勒？What a good girl!

我唔要令呢個小天使擔心，不過......一日嘅 routine 充滿佢嘅影子，要唔喊足一日真係要好大嘅努力 >_<

牛角包咬咗一啖但要努力先能吞下...... 星期一時仍在腳邊虎視眈眈當時我手中嘅包包嘅麻煩已經不在.....
打 Cappuccino 奶泡時亦想記佢, 想起近來都俾兩小羹奶泡佢 lam....
今日Passion flowers 開多咗幾朵呀！2004年晌比利時寄人籬下時，你仲好 puppy 咁，一見有凋謝花苞跌落地時就第一時間去執嚟食..... 你仲細個晌KL時執大紅花苞食哩～
屋企好靜哦！

麻煩的煩惱事件簿 (一)

（攝於七月六日）

呢兩個月來影響我地二人一狗嘅每一天莫過於麻煩晌六月十六日暈倒於狗酒店而被送到附近嘅動物醫院，當時我仍然身在越南胡志明市，六月二十日先返到西班牙接佢。六月廿四日去醫院覆診由獸醫口中証實佢嘅病係 AIHA 自體免疫溶血性貧血，同兩年前領走燒賣去彩虹橋嘅病一樣！可幸麻煩嘅病情並冇燒賣嘅兇猛，不過對我地兩個大人仍然係唔細嘅打擊！

故事實在好長，我要慢慢細細篇細細篇去寫......

My most diligent backyard guardian

雞飯侍候

連續兩次食完兔肉之後果日肚仔都唔老黎，唔通係 Revenge of the Rabbit?

p.s. 雞皮影完相後被執走～

戇犬四窟

狡兔有三窟，小麻煩就有多一個窿路......

趁 B 坐晌地下起爐時捐上大脾打餅覺覺豬...... 呢隻傻狗又嗲又識歎！

不羈的風

吹亂一頭秀髮，邊個攪事？