戇犬四窟

狡兔有三窟，小麻煩就有多一個窿路......

趁 B 坐晌地下起爐時捐上大脾打餅覺覺豬...... 呢隻傻狗又嗲又識歎！

始料不到.... 驚喜！

上星期五去 Malaga 趁，回程時順便去 El Corte Inglés 附屬嘅 Hipercor (hypermarket) 買嘢，竟然晌放乾果附近見到下面呢盒東東

初時唔信自己一霎眼嘅判斷，於是細心閱讀側邊嘅宣傳單張，再睇埋盒面嘅文字..... 果然真係杞籽！

老外終於開始發掘中國人嘅食材寶庫嘞！

我屋企正好冇晒杞籽，唔理係咪上上貨色，買盒返去煲雞湯....

終於開爐

上星期開始，太陽落山後室內陰陰凍，係時候要加啲温暖...... 之前十年都住有 radiators 嘅屋，首個冬天日日點火起爐..... 不過可能會換個有門又燒 pellets 嘅，暖啲又乾淨啲！

米通

貪新鮮試下，買咗包本地「公雞牌」

滾五分鐘後過冷河

清清地淨係加瘦肉...... 米通味道預咗普普，口感亦唔係太掂，都係中式米粉彈牙正啲！

牙牙學語

今次一定要學好！Otherwise it would be hell living here!

智慧之神請常伴我～

不羈的風

吹亂一頭秀髮，邊個攪事？

為食

煞有介事，只為一鍋湯麵，呵呵～

Blue blue sky

幸福並非必然，藍天亦是...... 好好欣賞～

對鏡理紅妝

從來購買擺件時都只係諗住用嚟擺

尤其呢啲得個樣嘅中式嘢（某人晌上海買嘅）

勢估唔到竟然會有用得著嘅一日！

話說搬屋之後兩個茂李兩個星期都冇照過鏡，因為未買浴室鏡.... 某日見到呢個東東突然記起係有面鏡晌裏面嘅，即刻拿拿臨睇下個貓樣，驚覺原來雙眉「雜草叢生」！嚇親街坊多時！

高效 toaster

年幾前晌渡假屋發現有呢種「開放式」toaster，非常好用，厚切包片如 baguette 同 ciabatta 都應付自如，正！新家抵埗後無耐就去買一部。嘩...呢部仲要係非常快速，插電冇耐就攪掂，行開的話多士必燶！

Toast and butter 不可分割，呢隻牛油雖然冇「總統牌」粗海鹽粒果隻咁正， 不過都算唔錯......

G優格～ G for Good

幾年前暑假時已經試咗並且非常鍾意，奈何假期完畢返歸就賣唔到～

同正宗希臘優格梗有距離，不過加蜂蜜鮮果拌食仍然滋味～

Jamón y melón

終於離開「鬼地方」，到達有食物文化嘅國家！唔駛再山長水遠趴出大城餐廳仲要俾N倍價錢，滿足！