火鷄胸沙律

簡直係 perfect summer lunch 呀！一片全麥雜谷包、一個細生菜心、一個蕃茄、一個扁桃、兩片厚切焗火鷄胸、丁多 cocktail sauce....

清菜+粗飯+柱侯豬軟骨

最近兩星期嘅 weekdays 多數係「獨居」，煮食自然完全只需要啱我口味，好爽！我係非常追捧每天「五色」蔬果飲食嘅人，亦盡量少食高升糖指數嘅澱粉類。

近年自己已經無咗失驚無神掛住港式食物嘅情況，亦無刻意晌居處同埋周邊城市找尋中式食材醬料嘅商舖，當然，路過碰到的話，價錢合理亦會購買 :)

上年尾回港臨走前兩日，貢入灣仔橫街一間蚊型超市作最後「衝刺」，當然有所斬獲。當時一心要買蒜蓉辣椒醬，咁啱柱候醬晌隔籬，於是買咗人生第一罌柱候醬！而開齋菜式係跟阿銀嘅麵醬柱侯豬軟骨..... 我無麵豉醬而阿銀提議我用日本dark miso，不過我亦無 dark miso，所以索性落多些少柱候醬算數；雖然味道層次無咁豐富，我已經心足，好味！

西班牙第一包

實在好耐冇整包，起碼兩年！近呢兩個月另一半斷斷續續哦我話想食自家包...... 趁住天氣開始回暖，順應「民意」整咗提子包。因為我唔食提子乾，咗一忽出嚟唔落。

新鮮出爐.....

無得話我落得唔夠多提子乾嘞啩！

野米撈

基本「飯底」係四分三速食米 (parboiled rice)、四分一野米..... 再加烚熟短度四季豆、baby carrot、baby 蠔菇、火腿粒粒......

晌歐洲好多唔同牌子呢類分好份量嘅「袋裝米」賣，用個煲加水就煮到。當然啲米同一般香港人鍾意食嘅質感好唔同又冇「飯味」。我其實麻麻地鍾意食黏性大嘅飯，有咬口粒粒分明嘅比較啱我，所以呢款我覺得唔錯，纖維又多喎！

Panna Cotta

曾經係我家「例甜」...... 不過某人實在太鍾意食呢啲35% fat 以上嘅甜品而個米芝蓮只漲不消（係荷包就正極），而家唔可以咁常整！
p.s. 砂糖 & dark rum 怕醜冇入鏡 ;)

檳Brunch

身痕試下「粉紅香檳」

泡泡泡泡泡........


食哩....Iberico pork sausages、bacon toast、chanterelle and chive omelette on ham and cheese toast

我愛迷您模

買咗個 Ø 12cm springform cake tin，至啱整二人份一次「清袋」！

又係芝士凍餅，呵呵..... 材料簡單又容易嘛！不過今次分兩日食，少食真滋味 :D

Tea 在深秋下午時

肥死算數 ^oo^ Croissant 同 pain au chocolat 都係急凍貨色，不過都好正！

米通

貪新鮮試下，買咗包本地「公雞牌」

滾五分鐘後過冷河

清清地淨係加瘦肉...... 米通味道預咗普普，口感亦唔係太掂，都係中式米粉彈牙正啲！

高效 toaster

年幾前晌渡假屋發現有呢種「開放式」toaster，非常好用，厚切包片如 baguette 同 ciabatta 都應付自如，正！新家抵埗後無耐就去買一部。嘩...呢部仲要係非常快速，插電冇耐就攪掂，行開的話多士必燶！

Toast and butter 不可分割，呢隻牛油雖然冇「總統牌」粗海鹽粒果隻咁正， 不過都算唔錯......

G優格～ G for Good

幾年前暑假時已經試咗並且非常鍾意，奈何假期完畢返歸就賣唔到～

同正宗希臘優格梗有距離，不過加蜂蜜鮮果拌食仍然滋味～

Jamón y melón

終於離開「鬼地方」，到達有食物文化嘅國家！唔駛再山長水遠趴出大城餐廳仲要俾N倍價錢，滿足！