呢個係我嘅姨甥女，而家佢已經讀中三，高過我.....
細個嗰時佢係非常跟我，因為我同我家姐住得好近（步行兩分鐘），我一有時間就會過去同佢玩同佢一齊睇書，佢好鍾意聽我講古仔，同一故事百聽不厭......
上年12月返香港時我同佢一齊整 tiramisu，好多步驟係我講佢做，頭頭是道喎！又見過佢晌街度照顧細佢三年嘅眼瞓細佬..... 同三姨（我細妹）蹺住手一齊行街..... 英文會話水準好好同 uncle B 對答如流兼唔會怕醜..... 佢真係大個女勒！
我不嬲都覺得唔少父母（一廂情願地）認為自己嘅兒女聰明好樣可愛，不過呢次我自己都難免此弊，覺得自己個（姨甥）女小時了了，大果然佳！
嚟咗歐洲十年幾，一路都係飲瓶裝水，無他，我覺得水喉水好大陣味！一般歐洲嘅瓶水多數係「礦泉水」﹔蒸餾水（無試過飲唔飲得）係用嚟放入熨斗、車嘅水箱、增濕機.....等等度用。
我哋住呢區晌西班牙至硬水區之內，因此我哋裝咗一個 limescale prevention device 晌主喉，減低家電如熱水爐、洗衣機、洗碗碟機...... 內部喉管因硬水加熱後引致 limescale 積聚而壞機嘅可能。幫我裝呢個東東嘅英國佬 David 都係住晌呢個小區，賣花梗要讚花香喇：佢就咁飲水喉水兼且佢屋企電水壺因此唔需要常常 descale。其實個 device 係軟化唔晒啲「硬嘢」嘅，因為我仍然要久不久 descale 電熱水壺、espresso 機、同熨斗、洗衫時仍有落 Calgon（一半建議份量）、洗碗碟機都係用 Calgon tablets....... 不過我都係無直接飲水喉水........
直至四個月前，我發覺飲瓶裝水實在製造太多膠垃圾！（都製造咗十年多）於是....... 我晌 hypermarket 買咗個 Brita 濾水壺...... 我同麻煩開始飲水喉水嘞～ 而我煲水沖茶、整咖啡同熨衫都係用 Brita 濾咗嘅水..... 經過雙重處理，真係無乜 limescale buildup，至少我都幾個月唔駛 descale。而因飲水而製造嘅膠垃圾亦減少至一個月一個濾芯，自己都覺得無咁對唔住地球先生～
地中海氣侯：夏季乾煎；冬季濕寒～夏天有需要勤力的話，一日洗三轉啲衫都乾！ 冬天哩..... 放屋外的話，可能四日之後摸上手都仲覺得係濕嘅..... 唔通要重溫十幾年前晌香港：成 rack 衫隊入房開行抽濕機？No, no, no, please.......
一個要經常出差嘅男人嘅卑微老婆嘅自私聖誕願望：拜託今年唔好似上年咁連續落多日雨！要落就落一日勁嘅之後一日好天吖！唔該！
上星期五去 Malaga 趁，回程時順便去 El Corte Inglés 附屬嘅 Hipercor (hypermarket) 買嘢，竟然晌放乾果附近見到下面呢盒東東
初時唔信自己一霎眼嘅判斷，於是細心閱讀側邊嘅宣傳單張，再睇埋盒面嘅文字..... 果然真係杞籽！
老外終於開始發掘中國人嘅食材寶庫嘞！
我屋企正好冇晒杞籽，唔理係咪上上貨色，買盒返去煲雞湯....
盼可將燭光交給我 讓我也發光芒
寒流裡 願同往 關心愛心似是陽光
我的心一般奔放 願挺起我胸膛
如能以熱和愛 自能導出心裡光
凄冷中望星與月也寒 我但願燭光照亮
誰願意步向康莊 誰亦要走走看看
盼共我 結伴去 以心中暖流 和風對抗
每次見到 merry-go-round 做型的音樂盒，都有立即買下的衝動！但一想家中已有一籮籮的擺設雜物，慾望很快被打退〜〜 或者下次碰上 merry-go-around，就要不顧忌自己年事已高，騎上去拍個照，填補兒時得不到的樂趣的遺憾。。。。。。
不要問我從那裏來